اليوم بنبدي بسلسلة Welcome to UoB حق الطلبة الجدد (دفعة 2015 ) مستعدين للجامعة؟
بما أن الجداول بتنزل بكرة حبيت أراويكم شلون تشوفون جدولكم وشلون تقرونه، أول شي تحتاجون أن يكون عندكم رقمكم الجامعي و الباسوورد مالكم (هذلين أهم شي في حياة الطالب الجامعية أحفظوهم عن ضهر قلب ولا تعلمونهم لأحد بتاتاً)
إنزين، أول شي نفتح موقع الجامعة online.uob.edu.bh
بيطلع لنا جذي، نضغط أوكي حق تروح هذي النافذة
عقب نضغط على Student Login
بتطلع لنا هذي النافذة، نكتب رقمنا الجامعة والباسوورد عقب نضغط Log In
وعقب بتطلع لنا صفحة فيها الجداول حق التسجيل (هذي الصفحة تتغير من وقت لوقت، مهمة المعلومات اللي فيها حق الحذف والإضافة والدفع، يمن اللي في الصورة اللي هني شكلها غير عن الموقع بس الخطوات ماتختلف)
تالي بيفتح لنا الموقع (تبون أسوي شرح للموقع وشلون يستخدم؟)
نضغط على Current Schedule
وبتطلع لنا صفحة جذي نختار الجدول مال أي كورس، بما أنكم أول كورس بيطلع لكم جدول واحد بس فما يحتاج تختارون، سيدة أضغطو View
وهذا جدولكم ♥
طبعاً الجدول ملخبط شوي، فكتبت كل شي وش معناه على الصورة
 |
| طبعاً أنا أوردي دفعت بس الصور سويتها قبل لا أدفع |
إستفدتو؟ في أحد وياي في سكشن؟ تيون أسوي شرح للموقع كله؟ عندكم إستفسار؟ كتبو لي في الكومنت تحت أو تواصلو وياي عير وسال الاتصال الأجتماعي التالية:
 |
 |
 |
 |
 |
 |
