بطاقة الشراء من النت ♥

ذبحتكم الأسعار المرتفعة للبضلئع في الإنستغرام؟

تبون شي بس مو موجود في البحرين؟

الحل الأمثل؟...  الشراء من النت!

الكل خاطرة يشتري من النت، بس مايعرف شلون، و المشكلة الثانية أنه ماعنده حساب في البنك ولا بطاقة فيزا، أو عمره صغير ومايقدر يفتح له حساب في البنك، أو ما يأمن أنه يدفع من حسابه البنكي (خوفاً من انه يتهكر حسابه)

قبل فترة كلمتني وحدة على الدايركت تبي تطلب من النت بس ماكانت عارفة شلون، فحبيت أسوي هالموضوع حقها ولكل الناس اللي يبون يشترون من النت :)

في البداية راح أتكلم عن بطاقة الشراء من النت، وبعدين بعلمكم شلون تسوون حساب في الــPaypal (وليش) و في الأخير بشرح لكم شلون تستخدمون eBay طبعاً كل نقطة بتكون في بوست بروحها ;)

نبدأ بموضوعنا الأول:

بطاقة الشراء من النت

1- شنو هي هذي البطاقة؟

عي بطاقة خاصة للإستعمال في النت، يعني ماتقدرون تستخدمونها إلا حق تشترون من النت. عادةً تكون فيزا

2- من وين أطلعها؟ من البنك أكيد -.-

تقريباً كل البنوك في البحرين توفر هذي البطاقة، أول وحدة طلعت عي بطاقة CrediNet من بنك البحرين و الكويت، وهي أول بطاقة إستخدمتها، طبعاً ماكانت بإسمي لأن كان عمري 14 سنة تقريباً فكانت بأسم الوالد الله يحفظه ويطول في عمره.

أستخدمتها تقريباً سنة، ما أعرف شنو الأشياء المطلوبة حق تطلعونها بس اللي أعرفه أنه تملون فورمة وتدفعون رسوم الأشتراك، وتستوي عقب كم يوم.

مشكلتهم أنهم ياخذون نسبة على كل أوردر تسوونه يعني بسرعة تطير الفلوس، وغير الحركة البايخة أنه اذا بتشترين شي ويكون المبلغ اللي في البطاقة مايكفي يخلونج تشترين عادي ويعتبرونه دين لازم تدفعونه (بدون مايقولون لكم) وكل ما تتأخرون في الدفع يحسوب عليكم زيادة وأنتو خبر خير، عقب لما تروحون تحطون فيها فلوس تنصدمون أنهم سحبو المبلغ اللي حطيتونه وجمدو البطاقة، ويطالبونكم تدفعون لهم، كلش مالها داعي الحركة، فقمت أدور لي على بطاقة ثانية ماتوهقني مثل هذي البطاقة.

وأكتشفت بطاقة بنك البحرين الإسلامي، كانو توهم مطلعينها وشفت الإعلان مالها  مالها علي الليت اللي ف الشارع وقلت خلني أشوف وش سالفتها.

رحت البيت، فتحت موقعهم، وقريت عن البطاقة وشروطها وكلشي، في ذيك الفترة كان بابا مسافر، يعني ماقدر أسوي بطاقة الا إذا رجع بالسلامة. فقلت أجيك أنواع البطاقات اللي يسوونها.

بنك البحرين الإسلامي يوفر نوعين من البطاقات للشراء من النت:

◄ االبطاقة الإلكترونية ذات الحد الائتماني: يجي بيل نهاية الشهر (مايحتاج تشتحنونها فلوس)

◄ االبطاقة الإلكترونية ذات الدفع المسبق: لازم تشحنونها فلوس حق تقدرون تشترون بها

لتبسيط الأمور، البطايق مثل أرقام التلفون، نوع مسبق الدفع تشحنونه كردت حق تتصلون وكل ماخلص الكردت تشحنونها.  والنوع الثاني ذات الحد الإئتماني (آجل الدفع) مثل بطاقات الــGSM اللي تتصل على راحتك وآخر الشهر يجيبون لك بيل تدفعه.

شخصياً: ماأنصح ببطاقة لاحق الددفع، لأنه بتكونون قاعدين تصرفون فلوس هي أساساً مو عندكم (تشترون بالدين) يعني بيكون سهل عليكم تصرفون مبالغ واجد بدون ماتنتبهون وعقب تنصدمون من البيل، أو حتى لو حاسبين بالضبط جم بتدفعون ومسوين ميزانية، لاسمح الله يصيدكم ظرف أو شي نهاية الشهر وماتقدرون تدفعون البيل ← طبعاً هذي البطاقة تناسب الناس اللي عندهم حس بالمسؤولية ويتحكمون في روحهم، ولازم عندهم دخل ثابت (يشتغلون يعني)

النوع اللي أستخدمه هو مسبق الدفع، تحطون فيها الفلوس وتشترون بها، من تخلص تردون تشحنونها وهذا أسهل بالنسبة لي، يعني حزة اللي عندي فلوس أشتري، وإذا ماعندي فلوس ما أورط روحي بالدين. وأحسن شي أن الدفع كاش ♥

يطلعونها مجاناً (بدون رسوم)

البطاقة يطلعونها للأشخاص اللي عمرهم 15 سنة فأكثر

 المستندات المطلوبة (البطاقة ذات الدفع المسبق):
- هويتين ساريتي المفعول (بطاقة سكانية / ليسن / جواز..إلخ)
- نسخة من تصريح الإقامة (لغير البحرينيين)

تروحون لهم البنك وتاخذون رقم (اللي قاعدين ف المكتب)، اذا جاء دوركم تروحون لهم وتقولون نبي نطلع بطاقة الشراء من النت، بيعطونكم فورمة تملون فيها بياناتكم وتوقعونها، عقب بيقولون نبي هويتين (اختارو واحد منهم: ليسن او بطاقة سكانية او جواز) بياخذونهم يطبعونهم ويرجعونهم لكم، عقب بيقولون لكم ان البطاقة راح تجهز خلال إسبوع، وبيجيبونها لكم لباب البيت :)

ألحين بما أن البطاقة عندنا شلون نستخدمها؟
1. جهزي الفلوس
2. روحي البنك
3. ناخذ رقم (حق الكونتر)
4. ناخذ فورمة (موجودة هناك على الطاولة) ونمليها
5. ننتظر دورنا يجي
6. نعطي الموظف الفلوس والبطاقة والفورمة
7. الموظف بيرجع البطاقة وبيعطبكم رصيد
8. الفلوس راح تنزل في البطاقة عقب 24 ساعة (ساعات قبل)
9. راح يوصلكم مسج في التلفون لما تنزل الفلوس في البطاقة

أو تقدرون تجيكون البطاقة كم فيها من خلال الموقع
1. إفتحو الموقع: www.ebisb.com

2. إضغطو OK حق يروح التحذير بعدين إختارو دفع البطاقات

3. راح يطلع لكم جذي، أكتبو رقم البطاقة في المكان المخصص، والرقم السري دخاوه عن طريق الضغط على الأرقام اللي على صوب

4. نضغط login

5. بتفتح لنا هذي الصفحة وفيها رصيد البطاقة

مميزاتها:

- مسبقة الدفع

- مجانية

- يمكن للأشخاص اللي عمرهم أقل من 15 سنة فما فوق يسوونها بأسمهم

- ماتحتاج يكون عندكم حساب في البنك

- سهلة الأستخدام

- يرسلون لكم مسج بكل عملية تصير في البطاقة

- خدمة العملاء عندهم ممتازة

- عندهم فروع في كذا منطقة

- ماياخذون نسبة عى الشراء (بس ياخذون فرق العملة)

- قبل لاتنتهي البطاقة بشهر يتصلون فيكم ويقولونن أنه بيطرشون لكم البطاقة عن طريق أرامكس ويعطونكم الوقت بالضبط، ويسلمونكم البطاقة يداً بيد، واجد عملية الحركة ♥

- عندهم عرض مع شوب أند شيب، الأشتراك بنص السعر (للحين ماجربيته)

عيوبها:

- الفلوس ماتدخل في الحساب الا بعد 24 ساعة

- حق تشحون البطاقة لازم تروحون البنك (إذا عندكم حساب في هذا البنك تقدرون تحولون الفلوس اونلاين بدون ماتحتاجون تروحون البنك)

وخلصنا الكلام عن البطاقة، إذا كان عندكم إستفسار او اي شي مو واضح أسألوني وراح أجاوبكم

وأنتظروني في الجزء الثاني من هاي السلسلة، وهو شلون تسوون حساب في بايبال وتشبكون البطاقة عليه :)

2016 trends ║ موضة 2016

Hello~

My first post of 2016! so let's talk about the new trends for this year...

أهلين ~

هذا أول بوست لسنة 2016! علشان جذي خلنا نتكلم عن الموضة لهاي السنة...

1. Dewy skin

1. البشرة النظرة

Last year's trend was matte foundation, but this year is all about dewy skin, which have always been a trend in Korea :/

اللعام كانت الموضة ان يكون الفاونديشن مات/مطفي، لكن السنة العكس، البشرة النظرة (ديوي) اللماعة هي الموضة. طبعاً هذي الموضة صار لها سنين منتشرة في كوريا.

2. Glitter

2. الجليتر

glitter is everywhere this years: from glitter brows to glitter parts,

السنة الجليتر في كلشي يستخدمونه، من الحواجب لي الشعر،

 and even glitter beards!

وحتى اللحية حطو فيها جليتر!

well, this might not be something that you'll be able to wear everyday, so opt for subtle 

kind of glitter, like on your eyes or lips

مو الكل يقدر يجرب هالهبة الجديدة، لكن إذا تبون تقدرون تستخدمون الجليتر في العيون أو على الشفاه

3. Bronzer/barely there contour

3. البرونزر/ الكونتور الخفيف

Say goodbye to chiseled countering, and hello to subtle shading :)

ودعي الكونتور ونحت الوجه هالسنة، ورحبي بالتظليل :)

because let's be honest, THIS is not pretty, it is obviously fake and it looks like you have hyper-pigmentation or even worse, like your cheeks were burned

*don't try to convince me your contour doesn't look like that, because 90% of girls I see wear it like that! 

خلنا نكون صريحين، هذا الشكل أبداً مو حلو، يبين حده فيك (مو طبيعي) وشكله كأن عندج تصبغات قويه ف الوجه أو لا سمح الله وجهك محروق

* لاتحاولون تقنعوني ان الكونتور اللي تحطونه شكله مو جذي، لأن 90% من البنات أشوف شكلهم جذي، أصلاً حتى سامر خزامي مسوي هالحركة !

instead use a bronzer to softly frame the face and make sure to blend any harsh lines ;)

بدال التخبيص، ظللي حواف وجهك بس، وأتأكدي انج دمجتيه عدل ;)

4. Fake freckles

4. نمش مزيف (يعني ترسمينه على وجهك)

5. Blush

5. أحمر الخدود

another trend from Asia, this trend can mostly be seen on Japanese models. I actually love this trend and have worn before for daily makeup, I used peach blushed instead of the pink one for a natural look. and it was wearable and looked natural on me, the trick is to use a natural looking colour and and blend it well to gives you those innocent flushed cheeks

موضة ثانية من شرق آسيا، هذي الموضه أكثر شي نشوفها على المودلز اليابانيات. أنا احب هاي اللوك وجرته من قبل حق المكياج اليومي، أستخدمت بلشر لونه مشمشي بدال اللون الوردي حق يصير اللوك طبيعي.  أهمشي في هذا اللوك أنج تدمجينه عدل حق يبين طبيعي وأنثوي.

6. Blue eyes

6. مكياج العيون الأزرق

7. Pink & peach lids

7. ظلال العين المشمشي و الوردي

I'm happy about this new trend, since it is easy to apply because you are using only one colour, and anyone can pull it off

حبيت هذا الستايل لأنه سهل، تحطين بس لون واحد على كامل الجفنظظظن الكل يعرف يسويه ويناسب الكل

8. Statement lips

8. ألوان الشفاه البارزة

reds are in this year, so is burgundy and other vampire-ish colours, just make sure you choose a colour that matches your skintone. one more thing to keep in mind that these colours are not necessarily "day time" colours 

الأجمر صار الموضه هذي السنه، والعنابي والألوان الغامقة بعد، أهمشي تختارين لون يناسب لون بشرتج. ونقطة مهمة هي أن هذي الألوان مو بالضرورة تناسب انها تستخدم في المكياج اليومي.

9. Braids

9. الضفائر

10. Hair accessories

10. إكسسوارات الشعر

11. French manicure with a twist

11.المانيكير الفرنسي بلمسة جديدة

What are your favourite trends?

Is there anything you'd like to try? 

Would you like a tutorial on how to pull off any of these trends?

Tell me in the comments down below or on my social media accounts:

أي موضه عجبتكم أكثر؟

وأي وحده ناويين تجربونها؟

تبون أراويكم شلون تسوون أي وحدة منهم؟

أكتبو لي في الكومنت تحت أو في وسائل الاتصال الاجتماعي التالية:

**Disclaimer: non of the images in this post belongs to me**

Review: RevivHair serum review┊تجربتي: ريفايف هير سيروم

هللو ~

هالبوست كان لازم انزله قبل إسبوعين بس أنشغلت ويا الامتحانات، وإسبوع اللي طاف بابا الله يحفظه صادته جلطة في المخ وترقد ف المستشفى، بس الحمدلله ألحين رجع لنا البيت ♥

ندخل في موضوعنا، صارلي فترة أعاني من تساقط الشعر، شعري يطيح واجد لدرجة أن مخدتي وسريري ينشحنون شعر وأحس أنني قاعدة أسبح ف الشعر، والشور كان أخس لأن شعري لما يطيح كان يسد منفذ الماء/البالوعة فكنت لازم أنظفها عن الشعر 4 إلى 5 مرات، واذا أمشط شعري كان يطيح خصل خصل وكنت أخاف إذا أشوفه. عشان جذي لما RevivSerums.com قالولي إذا أبي أجرب منتجهم لتساقط الشعر وافقت على طول وكنت متحمسة أنني أستخدمه.

Hello ~
This post was supposed to be up two weeks ago, but I got busy with midterm, then my dad had a stroke and was hospitalized, but now he is back home with us ♥

I've been struggling with hair fall for a while, I shed a lot to the point my pillow & bedding would be covered in hair that I felt like I was swimming it hair, and showering was even worse because I'll have to clean the tub 4~5 times because it would be clogged with hair, styling my hair wasn't better, because the strands of hair that fall when I comb my hair is scary. So when I was contacted by RevivSerums.com to review their REVIVHAIR STIMULATING SERUM, I was very exited since it is designed to help with hair fall.

Product Claims: 

With Redensyl®, Stem Cells, KGF and Peptides

RevivHair™ Hair Stimulating Serum is a novel next-generation leave-in serum that can help significantly boost hair thickness, fullness, natural color, strength and overall health. Powerful key ingredients help both men and women.

يعدك بــ: 

يحتوي على Redensyl®، خلايا جذعية، KGF، والببتيدات

سيروم تحفيز نمو الشعر من ريفايف هير™ يعتبر تقنية جديدة في عالم منتجات الشعر، فهو يساعد بشكل كبير على زيادة سماكة الشعر، وإمتلائه، وتعزيز لونه الطبيعي، ويمنحه القوة و الصحة العامة. المكونات الأساسية الفعالة في هذا المنتج تساعد كل من الرجال والنساء.

*I used the product for more than two weeks then stopped because I was having allergic reaction to my new shampoo (Herbal Essence Body Envy Volumizing Shampoo) and my scalp was peeling and stuff, I stopped using all my hair products. but I'll go back to using it when my scalp is healed :)

*أستخدمت المنتج لمدة إسبوعين وشي عقب وقفت لأن صادتني حساسية من شامبو هيربال إيسنز اللي على برتقال، فروة راسي كانت تتقشر وحالها حالة، فتوقففت عن إستخدام كل منتجات الشعر اللي عندي. لكن برجع أستخدمه إذا راحت مني الحساسية :)

in the period of 2+ weeks that I used it I noticed results, the first week my hair stopped falling I was surprised, but the next week it started to fall again (but not as crazy as it did before) but that was normal because this is how this product (and most anti-hair fall products) work. which means that this product works.

في فترة الأسبوعين وشوي اللي أستخدمت هالمنتج لاحظت نتايج، في الأسبوع الأول أنصدمت أن شعري وقف التساقط، والأسبوع الثاني رجع شعري يتساقط (بس مو بطريقة جنونية نفس قبل) لكن هذا كان طبيعي لأن المنتج (ومعظم منتجات تساقط الشعر) يشتغل بهالطريقة. معناه أن المنتج فعال

Ingredients: Water/Aqua/Eau, Glycrerin (and) Sodium Metabisulfite (and) Glycine (and) Larix Europaea Wood Extract (and) Zinc Chloride (and) Camelli Sinesis Leaf Extract, Palmitoyl Tripeptide, Malus Domestica Fruit Cell Culture Extract [Malus Stem Cells], Tripeptide (AHK), Myristoyl Pentapeptide-17, Keratinocyte Growth Factor (KGF, Rh-Polypeptide-3), Biotinoyl Tripeptide-1, Acetyl Tetrpeptide-3, Argania Spinose Sprout Cell Extract, PEG/PPG-20/23 Dimethicone, Mannitol (and) Ammonium Glycyrrhizate (and) Caffeine (and) Zinc Gluconate (and) Aesculus Hippocastanum (Horse Chestnut) Seed Extract, D-Panthenol. Radix Polygoni Multiflora Preparata Extract, Grape Seed Proanthocyanidins (Vitis Vinifera Seed Extract), Acrylates/C10-30 Alkyl Acrylate Crosspolymer, Saw Palmetto (Serenoa Repens) Fruit Extract, Horse Chestnut (Aesculus Hippocastanum) Seed Extract, Nettle (Urtica Dioica) Root Extract, Indian Frankibcense (Boswellia Serrata Resin Extract, Astragalus Membranaceus Root Extract, Triethnolamine, Beta-Sitosterol, Copper Tripeptide-1, Prezatide Copper Acetate, Crithmum Maritimum Callus Culture Filtrate (CIC2), Pygeum Africanum, Methionine Sulfoxide Reductase, Soy Isoflavons, Alcohol Denate, Phenoxyethanol (and) Caprylyl Glycol (and) Sorbic Acid.

المكونات: ☝

Size: 2 oz/60 ml

الحجم: 60 ml

Price: $79 (it is on sale now for $49 !)

السعر: 30.000 دينار بحريني (حالياً عليه تخفيض صار بـ18 دينار!)

Packaging: plastic bottle with a dropper that have a nice purple colour

العلبة: علبة بلاستك فيها قطارة، العلبة لونها بنفسجي حلو

How to use: Shake before use. Apply once daily, to wet or dry hair, about one or two full droppers. Part your hair and apply directly to the scalp in the areas that are thinning. Massage in with fingertips, then wash hands well.

طريقة الاستعمال: رج العلبة قبل الاستخدام. يتم إستخدامه مرة يومياً، على شعر رطب أو جاف، تقريباً ملء قطارة أو قطارتين. قم بتقسيم الشعر وضح المنتج مباشرة على المناطق التي يتساقط فيها الشعر. قم بتدليكه بأطراف الأصابع، ثم أغسل يديك جيداً.

Smell: the smell is faint it is barely there, but it smells like medication

الرائحة: ريحته كلش خفيفة وبالغصب تنشم، لكنها تشبه الأدوية

Texture: transparent serum (gel like consistency)

القوام: سيروم شفاف (يشبه الجل)

Pros:

- It cured my dandruff & itchiness, my scalp feels much better after using it

- Lightweight & not greasy, it doesn't cause hair to oil

- it did reduce shedding (my hair used to fall in strands!)

مميزاته:

- حسيته عالج القشرة و الحكة اللي براسي، فروة راسي أحسها صارت أحسن

- خفيف ومايدبق، مايخلي الشعر يدهن

- خفف من التساقط في شعري (شعري كان يطيح خصل خصل!)

Cons:

- it is a bit of a hassle to apply it on daily basis since I'm a lazy girl and my hair is long and somewhat thick. But it feels nice to have a scalp massage ♥

- Since I only wash my hair once a week, the product can build up on hair a little.

- price might be a bit high (but it is totally worth it)

عيوبه:

- إستخدامه كل يوم صعب شوي لأنني كسولة، وشعري طويل وكثيف شوي. لكن مريح أسوي مساج لراسي يومياً ♥

- بما أنني أغسل شعري مرة وحدة في الأسبوع بس، المنتج يتم ع الشعر.

- السعر مرتفع شوي (لكن يستاهل)

Repurchase: maybe

أرد أشتريه؟ يمكن

Rating: 4.5/5

تقييمي: 5/4.5

وقريباً إن شاء الله راح أسوي ريفيو للموقع بعد :)

I'll also post  a review about their website :)

Do you want to try this product? have you used a product that helped you with hair fall? what was it? tell me in thee comments below or on my social media:

ماصار خاطركم تجربون هالمنتج؟ جربتو منتجات لتساقط الشعر ونفعتكم؟ شنو هذي المنتجات؟ أكتبو لي في الكومنت تحت أو تواصلو وياي عبر الوسال التالية:

*This post was sponsored but all opinions are my own and not influenced in any way.

Where I got my planner (for free!)┊من وين طبعت البلانر/ منظم الوقت (مجاناً!)

Hello there  there are TONS of post I should be posting up soon, but I didn't have internet connection, and I had midterm exams..
Anyway, the last two weeks I posted some pictures of my planner on instagram, and I got a lot of people asking me about it, so I thought I would share with you were I got that planner (for free!!)

هلا  في واجد بوستات لازم أنزلها، لكن ماكان عندي أنترنت الاسبوعين اللي طافو وكان عندي إمتحانات المنتصف..

المهم، في الأسبوعين اللي طافو حطيت صور في الإنستاغرام للبلانر اللي أستخدمه، وواجد جتني أسألة من وين وشلون طبعته، علشان جذي قررت أسوي هذا البوست حق أراويكم شلون تحملون البلانر (مجاناً!!)

I was looking for a planner to use and I came across the passion planner, I wanted to get one since it was cheaper than other planners but offered much more than regular planners

كنت أدور بلانر/منظم يومي حق أستخدمه، ولقيت الباشن بلانر، كنت خلاص باخذه لأنه كان أرخص من باقي البلانرز لكن فيه مميزات أكثر من البلانر الباقيين

interesting huh? I was very tempted by all of those features, and was seriously thinking of buying it, but then I saw the shipping, and it was a bit high (Struggles of international customers), so I started having second thoughts, especially that it had assigned time slot to plan your day, and I don't plan my day that way.. but then, while browsing their website, I saw that they offer their planner for free, for people who are not sure if that system would work for them, and people who can't afford to buy it (I was both!)
So I downloaded the planner for free (keep reading to know how you can get your free planner) then printed the month of November on A5 paper to use in my planner :)

حلوة مميزاته صح؟ واجد عجبتني هذي المميزات، وكنت خلاص باخذه، تالي جفت سعر التوصيل وكان مرتفع شوي، فكنت بين وبين، هو مميزاته حليوه لكن مقسم بالساعات وأنا ما أخطط يومي بهذي الطريقة.. وعقب وأنا أفتش في موقعهم شفت أن يصير تحملون البلانر، حق الناس اللي ما عندها تدفع واجد علشان بلانر، أو اللي يبون يجربون إذا كان نظام هذا البلانر يناسبهم أو لا.

فحملت البلانر مجاناً (واصلو قراءة حق تجوفون شلون تقدرون تحملون البلانر حقكم مجاناَ) وطبعت بس شهر 11 على أوراق سايزها A5 حق أستخدمه في البلانر اللي عندي :)

without further ado, let me show you how to get your own free planner ♥

وألحين، خلوني أراويكم شلون تقدرون تحملون البلانر مجاناَ ♥

1. Open their website www.passionplanner.com, then click on DOWNLOAD

1. أفتحو موقعهم www.passionplanner.com وأضغطو على DOWNLOAD (اللي محطوط عليها السهم)

 It'll take you to this page, click on the big green button

بيوديكم لهذي الصفحة، أضغطو الدائرة الخضراء اللي فيها السهم

and that'll take you to this page, where you can choose which planner you would like to download, in the picture I choose the 2016 planner :)

** all steps are the same for other planners**

هذا بيوديكم للصفحة هذي، هني تقدرون تختارون أي بلانر تبون تستخدمون، في هذا البوست براويكم شلون تحملون بلانر 2016 :)

** الخطوات نفسها لباقي البلانرز**

2. It'll take you to this page

2. تالي بتفتح لكم هذي الصفحة

*please make sure you read the terms and conditions before using the planner

*رجاءً إقرؤو الشروط قبل لا تحملون البلانر

3. to use the planner for free you'll have to share it on social media (facebook, instagram, or twitter)

3. حق تستخدمون البلانر مجاناً لازم تشاركونه على أحد وسائل الأتصال الإجتماعي التالية (الفيسبوك، الأنستاغرام، تويتر)

 I choose twitter since it is faster, once you click on the image, it'll take you to this page. click on tweet

أنا أخترت تويتر لأنه أسرع، إذا ضغطو على الصورة بينقلكم لهذي الصفحة، أضغطو زر تويت

 and your tweet will be posted. then just double click on the "back" button

وبجذي تكونون شاركتونه في تويتر. ألحين أضغطو على زر الرجوع للخلف مرتين (اللي عليه السهم في الصورة)

you'll go back to passion planner website

هذا بيرجعكم للموقع

scroll down to the bottom of the page, and click on the green link

نزلو الصفحة تحت، وأضغطو على الكتابة اللي بالأخضر

 it'll take you to this page, where you'll have to enter the password, you'll find the password if you read the rules before downloading. but if you still can't find it, the password is yes

بتطلع لكم هذي الصفحة، لازم تحطون فيها الباسوورد/كلمة السر. كلمة السر راح تعرفون شنو هي إذا قرأتو شروط تحميل و إستخدام البلانر. لكن إذا عجزتو تحصلونه الباسوورد هو yes

 you'll be redirected to the download page

عقب بتفتح لكم هذي الصفحة

right click on the green link, then choose "save link as..."

أضغطو رايت كليك (زر اليمين في الماوس) على الكتابة اللي باللون الأخضر اللي فوق وأختار "حفظ كملف.."

 then you can choose where to save it

عقب تقدرون تختارون وين بتسيفون/تحفظون البلانر

and there you have it, your free passion planner ♥

وبجذي نكون خلصنا، وعليكم بالعافية البلانر الباشن بلانر ♥

Do you want a tutorial on how to print this planner? Do you have any question or suggestion? please write in the comments below, or on my social media channels :)

تبون أسوي شرح لطريقة طباعة البلانر؟ أو إذا واجهتكم أي صعوبة أو اذا عندكم أي اقتراح أو استفسار، إكتبو لي في الكومنت تحت أو في وسائل التواصل الإجتماعي :)